من بنات الفكر ثارت واستباحت فيني
.....................صوت همس في ضميري خافي(ن) كنيته
ساهر(ن) والليل سامر والعرب ممسيني
..................وان غفا جمر المشاعر بالأمل صحيته
نايف(ن) في طعس نايف والطروق تزيني
...................لارقصت للريح ضوى هاجسي غنيته
ياحروف الشعر قولي قصتي واحكيني
...................دام نزف الشوق غصب(ن) بالورق بكيته
أصهلت خيل المشاعر صوتها ناصيني
...................وانتخى فارس قصيدي والقلم سليته
أرسم الدمعات ضحكة في شفاه سنيني
...................كود يسعدني زماني لاضحك وارضيته
ارحلي يا هموم هيا ما مضى يكفيني
...................طفلي الغايب لفاني والحزن سريته
له رقيق الشعر غنى بالقسى والليني
....................يا قسى لينه على كثر أزعله حبيته
أوصفه لا تنشدوني وش بقى من زيني
....................كل زين(ن) تذكرونه اصدقه من بيته
له مع السلهام نظرة تذبح الحييني
..................وله تغناج(ن) يصحي كل نفس(ن) ميته
اختلف نبضي بدمي والسبايب عيني
..................ان سكت خفت أتكلم وان حكى لبيته
أرعشت للبرد كفي والعرق كاسيني
...................الشتا والصيف فيني والنظر مليته
أنتثر فنجال شوقي من كفوف يديني
....................وجيت أصافحه بيميني بالغلط ضميته
